早前金仔领导嘅北韩,为免大量来自非洲的长跑好手参加平壤马拉松时把伊波拉病毒传入朝鲜,竟宣布禁止国外跑手参赛, 同时叫停所有北韩旅行团, 隔咗一排上星期终于解禁喇, 而且月内会复团,只係来自疫国的旅客要隔离检疫。阿珍当然好恨去北韩踩场,不过令我嚮往更耐的非洲之行,旧年因为伊波拉改期,似乎更遥遥无期。

做开安排非洲Safari 行程的姊妹K说,自从伊爆发后,非洲团查询直线下滑,即使係距离爆发疫症十万九千里远的南非和博茨瓦纳(夸张咗,实数约五千公里吧!),几乎没有查询,好多tour operator同酒店都嗌晒救命!虽然阿珍都唔敢去,但今年係咪「趁低吸纳」睇动物的好时机?「咁又唔係噃,当地做Safari 嘅高档酒店规模细, 房间虽然较迟先填满,但房价一毫子都无平过!」另一边厢,航空公司要为非洲非疫区国家重建信心,想搞fam 去睇下当地生活几咁正常,点知又爆出一单电视台直播被洗劫新闻,「正常生活咪治安差啰!」口痕姊姊M笑曰。

翻查新闻,世卫公布命丧伊波拉的人数刚突破一万,疫情蔓延情况虽获得改善,但要在42天内没有新增个案才算疫情结束,阿珍深信迟啲去都仲有动物睇嘅!

北韩解禁 伊波拉叫停非洲杜游珍

延伸阅读:第三跑道 食脑就搞好?@杜游珍